週末放假想帶小朋友北上放電，但又唔知有咩好玩？
深圳交通方便，而且深圳親子好去處選擇極多，無論係想去主題樂園、室內遊樂場定係親親大自然，都總有一款啱你心水！
深圳貓為你精心整合咗2026年最新最齊嘅深圳親子好去處懶人包，超過40個人氣景點，涵蓋主題樂園、室內遊樂場、親子商場、博物館等，仲有齊地址、交通、門票優惠同行程規劃，幫你輕鬆計劃一個完美嘅深圳親子遊！
【深圳貓 x Klook 獨家優惠碼】經本網站指定鏈結，於 Klook 中國內地活動滿 HK$100 並輸入優惠碼【NTSY25CN】，即享94折優惠！快啲 save 低呢個優惠碼，下次去深圳用啦！
【中國內地酒店】經本網站指定鏈結，於 Klook 中國內地酒店滿 HK$500 並輸入優惠碼【NOTE26CN50】，即享 HK$50折扣！優惠期至 2026年8月31日，數量有限，先到先得，用完即止！
【旅遊產品】經本網站指定鏈結，於 Klook 購買旅遊產品（香港及澳門地區以外）並輸入優惠碼【NOTE26OUTB】，即可享95折優惠，最高折扣額 HK$100，優惠期至2026年9月30日。
【首次預訂酒店】經本網站指定鏈結，於 Klook 首次預訂酒店並輸入優惠碼【NOTE26HT】，即可享9折優惠，最高折扣額 HK$100，優惠期至2026年9月30日。
按此預訂即享優惠
文章目錄
1)
深圳親子好去處：主題樂園及大型景區
1.1)
深圳歡樂谷
1.2)
世界之窗
1.3)
深圳野生動物園
1.4)
小梅沙海洋世界
1.5)
歡樂海岸
1.6)
歡樂港灣
2)
深圳親子景點：室內親子遊樂場
2.1)
大型連鎖遊樂場 (Meland Club / 奈爾寶)
2.2)
運動探索及競技 (玩美攻略 / 就好潮玩 / 君昂童子軍)
2.3)
冰雪世界及溜冰場 (卡魯冰雪世界 / 海昌・樂漫冰雪王國)
2.4)
深圳親子賽車體驗 (SGP卡丁車 / 錕鵬卡丁車)
2.5)
特色主題體驗 (木育森林 / teamLab)
2.6)
室內動物樂園 (WOWO窩窩萌寵森友會 / 野恩動物樂園)
2.7)
綜合娛樂城 (東門町歡樂城 / 極客森超樂場)
3)
親子友善商場食買玩攻略
3.1)
深業上城
3.2)
萬象天地
3.3)
壹方天地
3.4)
福田星河COCO Park
3.5)
中洲灣 C Future City
3.6)
KK One
3.7)
益田假日廣場
4)
親親大自然及公園推介
4.1)
青青世界農場
4.2)
仙湖植物園
4.3)
深圳大鵬半島國家地質公園
4.4)
蓮花山公園
5)
寓教於樂博物館及文化設施
5.1)
深圳博物館 (歷史民俗館/古代藝術館)
5.2)
深圳紅立方 (龍崗科技館)
5.3)
兒童探索館
5.4)
深圳市當代藝術與城市規劃館
5.5)
深圳大劇院
6)
深圳親子酒店住宿推介
6.1)
深圳蛇口希爾頓南海酒店
6.2)
深圳硬石酒店 (Hard Rock Hotel)
6.3)
深圳威尼斯英迪格酒店
6.4)
深圳富苑皇冠假日套房酒店
6.5)
深圳大梅沙京基洲際度假飯店
7)
按小朋友年齡/興趣分類
7.1)
適合0-3歲幼兒的景點
7.2)
適合4-8歲兒童的景點
7.3)
適合9歲以上大童的景點
7.4)
喜歡動物的小朋友
7.5)
活潑好動放電之選
8)
深圳親子遊行程懶人包
8.1)
一日遊精選路線 (東門/福田/南山)
8.2)
深圳親子2日1夜週末遊行程
8.3)
深圳親子雨天備案行程
9)
北上深圳親子遊實用攻略
9.1)
交通方式 (高鐵/直通巴/地鐵)
9.2)
內地電話卡/數據Sim卡
9.3)
電子支付方式 (WeChat Pay/AlipayHK)
9.4)
景點門票優惠及預訂方法
10)
常見問題 (FAQ)
10.1)
深圳親子景點有哪些推薦？
10.2)
深圳有哪些免費的親子好去處？
10.3)
去深圳親子遊有什麼注意事項？
10.4)
推薦哪些性價比高的深圳親子酒店？
深圳親子好去處：主題樂園及大型景區
想同小朋友盡情放電，主題樂園同大型景區就最適合不過！
由刺激機動遊戲到近距離接觸小動物，深圳嘅選擇絕對可以滿足大人細路嘅願望。
深圳歡樂谷
深圳最大嘅主題樂園之一，設有9大主題區同超過100項遊樂設施。
無論係追求刺激嘅「雪域雄鷹」過山車，定係適合小朋友嘅夢幻旋轉木馬，仲有瑪雅水公園，一家大細都可以玩足一日。
地址：深圳市南山區華僑城僑城西路
開放時間：09:30 – 21:30
交通：深圳地鐵1號線/2號線「世界之窗站」A出口，步行約3分鐘
門票優惠：按此預訂享優惠
Klook 預訂優惠門票
KKday 預訂優惠門票
Trip.com 預訂優惠門票
世界之窗
深圳經典嘅微縮景區，以「一日遊遍世界」為主題，將全球著名地標如巴黎鐵塔、埃及金字塔濃縮於園區內，俾小朋友認識世界建築。除咗打卡影相，園內亦有機動遊戲同大型歌舞表演，內容豐富。
地址：深圳市南山區華僑城深南大道9037號
開放時間：09:00 – 21:30
交通：深圳地鐵1號線/2號線「世界之窗站」J出口，步行約3分鐘
門票優惠：按此預訂享優惠
Klook 預訂優惠門票
KKday 預訂優惠門票
Trip.com 預訂優惠門票
深圳野生動物園
中國首家放養式野生動物園，可以近距離觀賞大熊貓、長頸鹿、東北虎等超過300種珍稀動物。最刺激嘅活動莫過於乘坐鐵籠觀光車進入猛獸谷，親手餵飼獅子老虎，絕對係一個難忘體驗。
地址：深圳市南山區西麗湖路4086號
開放時間：09:30 – 18:00 (最後入園 17:00)
交通：深圳地鐵7號線「西麗湖站」B出口，步行約5分鐘
門票優惠：按此預訂享優惠
Klook 預訂優惠門票
KKday 預訂優惠門票
Trip.com 預訂優惠門票
小梅沙海洋世界
深圳最大嘅海洋主題公園之一，集科普教育同娛樂於一身。園區有五大主題展區，可以睇到白鯨、北極熊、企鵝等極地動物，仲有精彩嘅海豚表演，係海洋迷小朋友嘅必到之處。
地址：深圳市鹽田區小梅沙海濱旅遊區
開放時間：平日 10:00-17:30；週末及假日 09:30-18:00
交通：深圳地鐵8號線「小梅沙站」A/C出口，步行約8分鐘
門票優惠：按此預訂享優惠
Klook 預訂優惠門票
KKday 預訂優惠門票
Trip.com 預訂優惠門票
歡樂海岸
一個集購物、餐飲、娛樂同藝術於一身嘅大型商業區，更係國家5A級旅遊景區。
區內有「海洋奇夢館」可以睇水母同海獅表演，夜晚仲有浪漫嘅音樂噴泉水秀，非常適合黃昏後嚟散步食飯。
地址：深圳市南山區白石路東8號
開放時間：24小時 (個別設施除外)
交通：深圳地鐵9號線「深圳灣公園站」E出口，步行約3分鐘
門票優惠：海洋奇夢館門票優惠
Klook 預訂優惠門票
Trip.com 預訂優惠門票
歡樂港灣
一個大型公園式商業街區，最大特色係擁有全深圳最高嘅「灣區之光」摩天輪，高達128米！夜晚摩天輪會亮起七彩燈光，配合音樂噴泉表演，景色非常壯觀，係打卡熱點。
地址：深圳市南山區白石路8號
開放時間：全日開放
交通：深圳地鐵5號線「臨海站」B2出口可直達
門票優惠：「灣區之光」摩天輪門票優惠
Klook 預訂優惠門票
KKday 預訂優惠門票
Trip.com 預訂優惠門票
深圳親子景點：室內親子遊樂場
無論係炎炎夏日定係落雨天，親子遊樂場都係最佳嘅深圳室內好去處。場內有冷氣又夠安全，遊樂設施五花八門，絕對可以俾小朋友瘋狂放電！
延伸閱讀：【深圳室內好去處】逾50個地鐵沿線景點推介！親子/滑雪/按摩/雨天好去處全攻略
大型連鎖遊樂場 (Meland Club / 奈爾寶)
呢兩間係深圳頂級嘅連鎖室內遊樂場，規模大、設施新淨，每個場館都有唔同主題，俾小朋友沉浸式嘅玩樂體驗。
Meland Club
以「主題遊樂、美學鑒賞」為核心，打造模擬城市、超級迷宮、波波池等區域，分店遍佈萬象天地、深業上城等熱門商場。2024年10月更新開龍崗大運天地店，佔地超過三萬呎！（按此預訂優惠門票）
Klook 預訂優惠門票
KKday 預訂優惠門票
Trip.com 預訂優惠門票
奈爾寶家庭中心 (Neobio)
同樣係人氣極高嘅親子樂園，致力打造充滿創意嘅互動空間，設有攀爬挑戰、職業角色扮演、手工創作等區域，啱晒唔同年齡層嘅小朋友。（按此預訂優惠門票）
Klook 預訂優惠門票
Trip.com 預訂優惠門票
運動探索及競技 (玩美攻略 / 就好潮玩 / 君昂童子軍)
如果小朋友活潑好動，呢類結合運動同科技嘅遊樂場就最適合不過，可以挑戰體能同反應！
玩美攻略 Wonder Meet
被譽為「室內遊樂天花板」，佔地10萬平方呎，集齊滑冰、保齡球、卡丁車、真人CS、VR遊戲等過百項設施，大人細路都啱玩。（按此預訂優惠門票）
KKday 預訂優惠門票
就好潮玩體驗館
深圳首家綜合型數字運動潮玩館，有電子網球、電子棒球、大型蹦床區等超過30項設施，將科技同運動完美結合。（按此預訂優惠門票）
Klook 預訂優惠門票
KKday 預訂優惠門票
君昂童子軍
專為青少年設計嘅室內拓展訓練場，小朋友可以挑戰徒手攀爬、過吊橋等，訓練膽量同身體協調能力，家長可以喺場外放心睇住。
冰雪世界及溜冰場 (卡魯冰雪世界 / 海昌・樂漫冰雪王國)
想喺深圳體驗冰天雪地？冇問題！呢啲室內冰雪樂園可以俾你同小朋友一齊滑雪、玩冰，感受凍冰冰嘅樂趣。
卡魯冰雪世界
深圳最大嘅室內滑雪場，位於觀瀾湖。場內分為滑雪區同娛雪區，就算係初學者或者年紀較細嘅小朋友，都可以喺娛雪區玩雪圈滑坡、兒童雪橇等。（Klook 預訂優惠門票）
Klook 預訂優惠門票
KKday 預訂優惠門票
Trip.com 預訂優惠門票
海昌・樂漫冰雪王國
華南首個東歐風格主題嘅冰雪樂園，佔地40,000呎。場内有五大主題區，包括冰雪城堡、霧凇森林等，打卡一流。（Trip.com 預訂優惠門票）
Trip.com 預訂優惠門票
深圳親子賽車體驗 (SGP卡丁車 / 錕鵬卡丁車)
想體驗速度與激情？室內卡丁車場安全又刺激，啱晒好動嘅大朋友同小朋友。
SGP卡丁車俱樂部
擁有深圳最長嘅室內瀝青賽道，抓地力強，駕駛體驗感極佳。除咗賽車，場地仲有KTV、室內高爾夫等設施。（Klook 預訂優惠門票）
Klook 預訂優惠門票
KKday 預訂優惠門票
Trip.com 預訂優惠門票
錕鵬卡丁車
位於福田區嘅專業室內卡丁車場，除咗可以賽車，仲可以玩射箭、親子DIY拉胚等，活動多元化。（Klook 預訂優惠門票）
Klook 預訂優惠門票
KKday 預訂優惠門票
Trip.com 預訂優惠門票
特色主題體驗 (木育森林 / teamLab)
想玩啲文青啲、有特色啲嘅嘢？呢兩個場館將藝術、自然同科技結合，帶俾你與別不同嘅親子體驗。
木育森林 (Wooderful Land)
來自台灣嘅人氣木製遊樂園，以環保為理念。場內所有設施都係木造，例如飛機鞦韆、搖擺平衡木、保齡球等，寓教於樂。（按此預訂門票可享優惠）
Klook 預訂優惠門票
KKday 預訂優惠門票
Trip.com 預訂優惠門票
teamLab共創！未來園
一個由光影打造嘅奇幻世界！小朋友可以同場景互動，喺綻放煙花嘅滑梯上滑下，感受科技與藝術嘅結合，激發無限創意。
室內動物樂園 (WOWO窩窩萌寵森友會 / 野恩動物樂園)
唔使日曬雨淋就可以同得意小動物近距離接觸！呢類室內動物樂園啱晒鍾意小動物嘅家庭。
WOWO窩窩萌寵森友會
可以同羊駝、水豚、龍貓等溫馴動物零距離互動、餵食同合照，集遊樂同科普教育於一身。（按此預訂門票可享優惠）
Klook 預訂優惠門票
KKday 預訂優惠門票
Trip.com 預訂優惠門票
野恩動物樂園
位於龍崗萬達廣場內，集合動物園同兒童樂園，除咗可以親親萌寵，仲有兒童遊玩設施。（按此預訂門票可享優惠）
Klook 預訂優惠門票
KKday 預訂優惠門票
Trip.com 預訂優惠門票
綜合娛樂城 (東門町歡樂城 / 極客森超樂場)
想一次過玩勻夾公仔、跳舞機、籃球機、VR遊戲？呢啲大型綜合娛樂城就係你嘅不二之選。
東門町歡樂城
位於羅湖東門，樓高5層，集娛樂美食於一身。有高空單車、4層樓高旋轉滑梯、卡丁車、密室逃脫等，玩足一日都唔會悶。
極客森超樂場
佔地廣闊，擁有多款全新娛樂設施，由賽車、推金幣機到親子遊戲應有盡有，適合唔同年齡層。（按此查看設施詳情）
查看設施詳情
親子友善商場食買玩攻略
家長們最怕行街小朋友會悶，但深圳好多大型商場都非常親子友善，唔單止有專為小朋友而設嘅遊樂區，仲有齊各式各樣嘅餐廳同商店，絕對可以滿足一家大細「食、買、玩」三個願望！
深業上城
以紅黃白為主色調嘅歐式小鎮風格建築，令深業上城成為打卡勝地。商場連接住蓮花山公園，可以先喺戶外散步再返商場食嘢。室內有樂高專賣店同人氣遊樂園MELAND CLUB，小朋友一定唔會悶！餐廳選擇亦多，例如鳳凰四季椰子雞、漁語魚酸菜魚等都喺度有分店。
地址：深圳市福田區皇崗路5001號
交通：深圳地鐵10號線「冬瓜嶺站」A出口，步行約3分鐘
萬象天地
位於南山區，係一個結合街區同商場嘅大型綜合體，店舖多達400間。商場同樣有超人氣嘅MELAND CLUB俾小朋友放電。餐廳選擇極多，羲和雅苑、慶春樸門、奈雪的茶等網紅店都喺齊度，絕對唔怕搵唔到嘢食。
地址：深圳市南山區科發路19號
交通：深圳地鐵1號線「高新園站」A出口，步行約2分鐘
壹方天地
曾號稱深圳最大嘅商場，分為ABCDE五個區，面積超級大！
A區有好多親子設施，例如室內貓Cafe、鴨小七自然探索樂園，仲有來自日本嘅大型室內遊樂場「朗玩ROUND1」，裡面有齊卡啦OK、保齡球、彈床等超過40種項目，大人細路都啱玩！
地址：深圳市龍華區龍華街道4020號
交通：深圳地鐵4號線「龍華站」A出口，步行約1分鐘
福田星河COCO Park
融合咗公園同購物中心嘅設計，空間感十足。
商場特設大型戶外樂園同室內兒童樂園「星躍領動」，俾小朋友盡情跑跳。美食方面，進駐超過20間網紅食店，包括太二酸菜魚、KUMO KUMO等，選擇超多。（按此閱讀更多深圳美食推介）
地址：深圳市福田區福華三路
交通：深圳地鐵1號線/4號線「購物公園站」C出口，步行約2分鐘
中洲灣 C Future City
以「藝術、科技、自然」為主題，商場佈置充滿未來感。最矚目嘅係設有teamLab常設館，五光十色嘅光影藝術裝置啱晒幫小朋友打卡影靚相。商場仲有好多動漫玩具專門店，小朋友一定鍾意。
地址：深圳市福田區濱河大道9283號
交通：深圳地鐵9號線「下沙站」B出口，步行約5分鐘
KK One
位於福田下沙，同C Future City相連。商場除咗潮流服飾，仲有大型日本家品店。
親子設施方面，有親子遊戲坊、電子遊戲中心等。餐廳方面，有網紅燒肉店「犀先生·燒肉」同周杰倫開嘅「Mr.J Diner」。
地址：深圳市福田區濱河大道9289號
交通：深圳地鐵9號線「下沙站」B出口，步行約3分鐘
益田假日廣場
地理位置極佳，鄰近歡樂谷同世界之窗，由地鐵站行1分鐘就到。玩完成日想搵地方食飯醫肚，呢度就最方便。
商場內有真冰溜冰場、電影院同多間人氣餐廳，係一個食買玩俱全嘅好地方。
地址：深圳市南山區深南大道9028號
交通：深圳地鐵1號線/2號線「世界之窗站」B3出口，步行約1分鐘
親親大自然及公園推介
想遠離城市煩囂，帶小朋友呼吸新鮮空氣？深圳亦有唔少大型公園同自然景點，俾一家大細跑跑跳跳，舒展身心。
青青世界農場
一個以農業同觀光為主題嘅4A級生態旅遊景點。園區內有熱帶雨林、蝴蝶谷、瓜果園等特色景區，小朋友可以親近大自然。
此外，仲可以參與陶藝製作、環保藝術設計等親子工作坊，體驗農家樂。
地址：深圳市南山區月亮灣青青路1號
開放時間：平日 08:30 – 17:30；週末 08:00 – 18:00
交通：深圳地鐵5號線「荔灣站」B出口，步行約13分鐘
Klook 預訂優惠門票
Trip.com 預訂優惠門票
仙湖植物園
被評為國家4A級風景區，園區超大，分為天上人間、湖區、廟區、沙漠植物區等多個景區。
小朋友可以欣賞到唔同氣候環境下嘅植物，學習生態知識，弘法寺亦喺園區內，係一個洗滌心靈嘅好地方。
地址：深圳市羅湖區仙湖路160號
開放時間：08:00 – 18:00
交通：深圳地鐵2號線/8號線「仙湖路站」C2出口
深圳大鵬半島國家地質公園
以壯觀嘅火山岩同海岸地貌聞名，園內有博物館，可以俾小朋友學習地質知識，了解宇宙同火山嘅形成。同時可以欣賞到絕美嘅海岸風光，係一個集科普同觀光於一身嘅景點。
地址：深圳市大鵬新區南澳街道新大社區地質公園路1號
開放時間：09:30 – 16:30
交通：建議自駕或乘坐巴士M423路到「國家地質公園站」
蓮花山公園
位於深圳市中心最大嘅城市公園之一，有大片草坪，最適合一家人嚟野餐、放風箏。
山頂廣場仲有鄧小平銅像，可以俯瞰福田中心區嘅景色。呢度係免費入場，係週末悠閒活動嘅首選。
地址：深圳市福田區紅荔路6030號
開放時間：全天開放
交通：深圳地鐵3號線/4號線「少年宮站」F1出口
寓教於樂博物館及文化設施
邊個話親子活動一定係放電？帶小朋友去博物館同藝術館，喺玩樂之中學習新知識，一樣可以好有趣！
深圳好多博物館都充滿互動元素，而且唔少係免費入場！
深圳博物館 (歷史民俗館/古代藝術館)
深圳博物館有兩個館，都位於市民中心附近，啱晒一次過參觀。
歷史民俗館可以俾小朋友了解深圳嘅歷史同民俗文化，仲有豐富嘅動物標本。古代藝術館就展出古代嘅陶瓷、青銅器等，可以帶小朋友穿越時空，感受中華文化藝術。
地址：深圳市福田區福中路市民中心A區
開放時間：10:00 – 18:00 (週一休館)
交通：深圳地鐵2號線/4號線「市民中心站」B出口
門票：免費
深圳紅立方 (龍崗科技館)
全深圳最大嘅科普樂園，位於龍崗區。館內有大量視覺科技同實體互動遊戲，主題圍繞宇宙、航天科技同未來生活，小朋友可以親自動手做實驗，激發對科學嘅興趣，最重要係免費入場！
地址：深圳市龍崗區龍翔大道8028號
開放時間：09:30 – 18:00 (週一休館)
交通：深圳地鐵3號線「龍城廣場站」D出口，步行約5分鐘
門票：免費 (需預約)
兒童探索館
位於福田婦兒大廈，係一個專為兒童設計嘅探索館。
館內有超過100種互動展品，分為自然世界、活力城市、水的故事、我的身體等6大主題區，小朋友可以透過角色扮演體驗唔同職業，趣味性十足。
地址：深圳市福田區景田路78號婦兒大廈
開放時間：10:00 – 20:00 (週一休館)
交通：深圳地鐵2號線/9號線「景田站」A出口
深圳市當代藝術與城市規劃館
場館建築本身已經係一件藝術品，設計非常獨特，打卡一流。
館內主要展出當代藝術作品同城市規劃相關展覽，可以培養小朋友嘅藝術觸覺，同時了解深圳呢個城市嘅發展歷史。
地址：深圳市福田區福中路184號
開放時間：10:00 – 18:00 (週一休館)
交通：深圳地鐵3號線/4號線「少年宮站」A2出口
門票：免費 (需預約)
深圳大劇院
想培養小朋友嘅藝術修養，可以帶佢哋去深圳大劇院欣賞表演。
劇院經常舉辦適合小朋友觀看嘅兒童劇、音樂會、舞蹈表演等，係一個感受藝術氛圍嘅好地方。
地址：深圳市羅湖區深南東路5018號
開放時間：根據演出時間開放
交通：深圳地鐵1號線/2號線「大劇院站」B出口
深圳親子酒店住宿推介
如果想玩足兩日一夜，揀一間高質嘅親子酒店就非常重要！
深圳好多酒店都有專為家庭而設嘅設施，例如兒童遊樂室、親子主題房、戶外泳池等，大人細路都可以盡情放鬆，享受家庭樂。
深圳蛇口希爾頓南海酒店
酒店位於蛇口海灣，鄰近海上世界，景色開揚。房間同設施大多面向無敵海景，令人心曠神怡。
酒店有齊室內外泳池、兒童遊樂區同大草地，動靜皆宜，非常適合家庭度假。
地址：深圳市南山區望海路1177號
賣點：無敵海景、鄰近海上世界、設施齊全
預訂優惠：按此查看房價及預訂
Trip.com 查看住宿優惠
Agoda 查看住宿優惠
Klook 查看住宿優惠
KKday 查看住宿優惠
Expedia 查看住宿優惠
Booking.com 查看住宿優惠
Hotels.com 查看住宿優惠
永安旅遊 查看住宿優惠
HopeGoo 查看住宿優惠
深圳硬石酒店 (Hard Rock Hotel)
以搖滾音樂為主題嘅特色酒店，位於觀瀾湖，鄰近卡魯冰雪世界。
酒店設有多款親子主題客房，房內有卡通佈置同娛樂設施，就算落雨留喺酒店都唔會悶，充滿童真。
地址：深圳市龍華區觀瀾高爾夫大道9號
賣點：搖滾主題獨特、親子客房選擇多、鄰近觀瀾湖景點
預訂優惠：按此查看房價及預訂
Agoda 查看住宿優惠
Trip.com 查看住宿優惠
Expedia 查看住宿優惠
Klook 查看住宿優惠
Booking.com 查看住宿優惠
Hotels.com 查看住宿優惠
深圳威尼斯英迪格酒店
充滿濃厚歐陸風情嘅酒店，好似置身歐洲古堡一樣。酒店毗鄰歡樂谷、世界之窗等大型主題樂園，地理位置極之方便。室內嘅圓形天窗泳池亦係酒店一大亮點，打卡一流。
地址：深圳市南山區華僑城深南大道9026號
賣點：歐式建築風格、鄰近世界之窗及歡樂谷、交通方便
預訂優惠：按此查看房價及預訂
Trip.com 查看住宿優惠
HopeGoo 查看住宿優惠
Booking.com 查看住宿優惠
Expedia 查看住宿優惠
Hotels.com 查看住宿優惠
Klook 查看住宿優惠
永安旅遊 查看住宿優惠
深圳富苑皇冠假日套房酒店
位於羅湖區，鄰近國貿地鐵站同羅湖口岸，地段優越，方便四圍去。
酒店周邊有大型商場同各式餐廳，行街食嘢都好方便。設施方面有泳池同兒童遊樂室，大人細路各取所需。
地址：深圳市羅湖區南湖路3018號
賣點：鄰近羅湖口岸、交通便利、周邊食買玩方便
預訂優惠：按此查看房價及預訂
Trip.com 查看住宿優惠
Agoda 查看住宿優惠
HopeGoo 查看住宿優惠
Booking.com 查看住宿優惠
Expedia 查看住宿優惠
Hotels.com 查看住宿優惠
KKday 查看住宿優惠
Klook 查看住宿優惠
永安旅遊 查看住宿優惠
深圳大梅沙京基洲際度假飯店
鍾意陽光與海灘嘅家庭，呢間酒店就最啱！
酒店正對大梅沙沙灘，隨時可以同小朋友去玩沙玩水。酒店仲會定時舉辦唔同嘅親子工作坊，節目豐富，保證小朋友唔會悶。
地址：深圳市鹽田區大梅沙鹽葵路9號
賣點：直達大梅沙沙灘、海景房、豐富親子活動
預訂優惠：按此查看房價及預訂
Trip.com 查看住宿優惠
Agoda 查看住宿優惠
Booking.com 查看住宿優惠
Expedia 查看住宿優惠
Hotels.com 查看住宿優惠
KKday 查看住宿優惠
Klook 查看住宿優惠
永安旅遊 查看住宿優惠
按小朋友年齡/興趣分類
深圳親子好去處選擇太多，花多眼亂？
唔緊要，深圳貓已經幫你根據小朋友嘅唔同年齡同興趣分好類，方便你一目了然，揀出最適合你家庭嘅景點！
適合0-3歲幼兒的景點
帶BB仔出遊，最緊要安全、舒適、唔好太刺激。呢啲地方就最啱：
奈爾寶/Meland Club：大型室內遊樂場通常有專為幼兒而設嘅軟墊區、感官遊戲區，乾淨又安全。
兒童探索館：設有「親親寶貝」及「感官小屋」等專區，專為低幼齡兒童設計。
木育森林：木製玩具質感好，冇咁多聲光電刺激，適合幼兒探索。（Klook 預訂優惠門票）
各大公園 (蓮花山/仙湖)：帶BB車去散散步，呼吸新鮮空氣，喺草地上面坐下野餐，輕鬆寫意。
Klook 預訂優惠門票
KKday 預訂優惠門票
Trip.com 預訂優惠門票
適合4-8歲兒童的景點
呢個年紀嘅小朋友精力旺盛，對世界充滿好奇，最啱去啲可以跑跑跳跳，又有互動元素嘅地方。
深圳野生動物園：近距離睇動物，滿足好奇心。（Klook 預訂優惠門票）
卡魯冰雪世界 (娛雪區)：唔使學滑雪，淨係玩雪兜、堆雪人都夠開心。（Klook 預訂優惠門票）
青青世界農場：親親大自然，參加親子工作坊。（Klook 預訂優惠門票）
深圳紅立方：互動科學遊戲，喺玩樂中學習。
teamLab：光影互動藝術，俾小朋友發揮創意。
Klook 預訂優惠門票
KKday 預訂優惠門票
Trip.com 預訂優惠門票
適合9歲以上大童的景點
大個啲嘅小朋友需要更多挑戰同刺激感，靜態嘅活動可能已經滿足唔到佢哋！
深圳歡樂谷：挑戰各種過山車同機動遊戲（Klook 預訂優惠門票）
玩美攻略/就好潮玩：集合卡丁車、VR、數字運動等潮玩，啺晒鐘意挑戰嘅青少年。
卡魯冰雪世界 (滑雪區)：可以正式學下滑雪，挑戰新技能。（Klook 預訂優惠門票）
君昂童子軍：室內攀爬拓展，考驗體能同膽量。
東門町歡樂城：高空單車、密室逃脫等刺激玩意，啺晒一班朋友去玩。
Klook 預訂優惠門票
KKday 預訂優惠門票
Trip.com 預訂優惠門票
喜歡動物的小朋友
戶外大型：深圳野生動物園 (種類最齊全)、小梅沙海洋世界 (海洋生物)。
室內小型：WOWO窩窩萌寵森友會 (親密互動)、野恩動物樂園 (商場內方便)。
農場類：青青世界農場 (鄉村田園風)。
Klook 預訂優惠門票
KKday 預訂優惠門票
Trip.com 預訂優惠門票
活潑好動放電之選
極限挑戰：深圳歡樂谷、東門町歡樂城、玩美攻略。
運動競技：君昂童子軍、SGP卡丁車、就好潮玩。
冰雪運動：卡魯冰雪世界、海昌・樂漫冰雪王國。
大型遊樂場：Meland Club、奈爾寶家庭中心。
Klook 預訂優惠門票
KKday 預訂優惠門票
Trip.com 預訂優惠門票
深圳親子遊行程懶人包
plan行程最頭痛？唔使驚，深圳貓為你準備咗幾條精選路線，無論你係想即日來回定係玩深圳兩日一夜，甚至係plan定雨天備案，都可以輕鬆出發！
一日遊精選路線 (東門/福田/南山)
深圳親子路線一：羅湖東門區 – 動感娛樂日
適合對象：喜歡熱鬧、追求刺激玩意嘅家庭。
上午：羅湖口岸過關 → 喺附近食個廣式早茶（如：點都德）。
中午至下午：去「東門町歡樂城」，玩盡高空單車、卡丁車、VR遊戲。
傍晚：行東門步行街，掃街食小食，再搵間餐廳食晚飯（如：姚姚酸菜魚）。
深圳親子路線二：福田中心區 – 文青探索日
適合對象：想動靜結合，集玩樂、購物與藝術於一身嘅家庭。
上午：福田口岸過關 → 去「深業上城」，喺歐陸風情小鎮打卡，再到MELAND CLUB放電。
中午：喺深業上城享用午餐（如：鳳凰四季椰子雞）。
下午：去「深圳市當代藝術與城市規劃館」或「深圳博物館」，俾小朋友感受藝術同歷史氛圍 (免費入場！)。
晚上：到COCO Park或卓悅中心食晚飯，再喺附近行街。
深圳親子路線三：南山華僑城 – 主題樂園日
適合對象：目標清晰，主攻大型主題樂園嘅家庭。
全日：深圳灣口岸過關 → 搭車直去華僑城區，「深圳歡樂谷」或「世界之窗」二選一，玩足全日！
晚餐：玩完可以到附近嘅「益田假日廣場」，超多餐廳選擇，非常方便。
深圳親子2日1夜週末遊行程
Day 1：觀瀾湖動感探索
上午：福田口岸過關，搭地鐵4號線直達觀瀾湖站。
中午至下午：去「卡魯冰雪世界」體驗滑雪同玩雪。
傍晚：入住「深圳硬石酒店」，享受酒店設施。
晚上：喺觀瀾湖新城搵食，選擇豐富。
Day 2：南山親親動物與自然
上午：酒店Check-out後，搭車去「深圳野生動物園」，同動物作近距離接觸。
中午：喺動物園內餐廳簡單午膳。
下午：去「歡樂海岸」行下，參觀「海洋奇夢館」或喺人造沙灘玩樂。
傍晚：喺歡樂海岸食埋晚飯，欣賞完水秀表演後，經深圳灣口岸回港。
深圳親子雨天備案行程
如果天公不造美，唔使驚！深圳有大量室內好去處，Plan B一樣精彩！
玩法一 (大型商場)：揀個大型親子商場，如深業上城、萬象天地或壹方天地，裏面有齊遊樂場 (Meland Club)、餐廳、商店，可以消磨一整日。
玩法二 (室內樂園)：主攻一個大型室內遊樂場，例如「玩美攻略」，過百樣設施玩足幾個鐘都唔會厭。
玩法三 (博物館之旅)：帶小朋友行博物館，例如深圳紅立方、深圳博物館、兒童探索館，全部都係室內，又有教育意義。
延伸閱讀：【深圳室內好去處】逾50個地鐵沿線景點推介！親子/滑雪/按摩/雨天好去處全攻略
北上深圳親子遊實用攻略
帶住小朋友出門，準備功夫一定要做足！睇埋以下幾個北上親子遊實用貼士，保證你旅途更順暢！
交通方式 (高鐵/直通巴/地鐵)
高鐵
由西九龍站出發，最快14分鐘到福田口岸，18分鐘到深圳北站。適合帶住細BB、追求舒適快捷嘅家庭，唔使同人逼。（按此預訂高鐵車票）
Klook 預訂高鐵車票
Trip.com 預訂高鐵車票
HopeGoo 預訂高鐵車票
永安旅遊預訂高鐵車票
直通巴士
港九新界都有上車點，可以直達各大口岸甚至景點、深圳酒店，一程過唔使轉車，啱晒帶住好多行李嘅家庭。（按此預訂直通巴士）
Klook 預訂直通巴士
KKday 預訂直通巴士
Trip.com 預訂直通巴士
HopeGoo 預訂直通巴士
永安旅遊 預訂直通巴士
港鐵轉深圳地鐵
最經濟實惠嘅選擇，經羅湖或落馬洲口岸過關後，就可以無縫轉乘深圳地鐵，網絡覆蓋大部分景點，非常方便。
延伸閱讀：【香港深圳交通】最平$9.9起！高鐵/巴士/MTR等6大方法時間價錢、口岸選擇懶人包
內地電話卡/數據Sim卡
去到內地，上網同通訊非常重要，無論係用地圖、Call車定係用電子支付都需要數據。建議預先準備：
一卡兩號/內地副號：香港電訊商提供嘅漫遊數據plan或者一卡兩號服務，可以直接用香港電話號碼接收內地短訊（例如餐廳排隊驗證碼），最方便。
內地Sim卡/eSIM：可以喺鴨寮街、網上旅遊平台（如Klook/KKday）或者過關後購買。eSIM更加方便，唔使換實體卡，掃個QR Code就用得。
門票Sim卡優惠：按此查看深圳數據Sim卡/eSIM優惠
Klook 預訂優惠 eSIM
KKday 預訂優惠 eSIM
Trip.com 預訂優惠 eSIM
電子支付方式 (WeChat Pay/AlipayHK)
現時內地消費基本上都係用電子支付，連街邊小食檔都好少收現金。香港人最常用嘅係：
AlipayHK (支付寶香港)：開通跨境支付功能後，喺內地見到「支付寶」logo就可以直接用港幣俾錢，App會自動換算匯率，非常方便。
WeChat Pay HK (微信支付香港)：用法同AlipayHK一樣，開通後見到「微信支付」logo嘅商戶都用得。
溫馨提示：出發前記得先做好身份認證同增值，亦可以綁定信用卡方便大額消費。
景點門票優惠及預訂方法
唔想去到門口先排長龍買飛？好多景點門票都可以預先喺網上買定，仲隨時有優惠！
網上旅遊平台：Trip.com、Klook、KKday等平台經常有早鳥優惠、套票優惠，或者港澳居民限定優惠，分分鐘平過現場買。
官方渠道預約：部分免費景點（如博物館、公園）需要透過官方微信公眾號進行實名預約，計劃行程時記得提早搞掂。
Klook 預訂優惠門票
KKday 預訂優惠門票
Trip.com 預訂優惠門票
常見問題 (FAQ)
深圳親子景點有哪些推薦？
深圳親子景點非常多元化，主要可以分為幾大類：
主題樂園：深圳歡樂谷、世界之窗
動物園/水族館：深圳野生動物園、小梅沙海洋世界
室內遊樂場：Meland Club、奈爾寶、玩美攻略
特色體驗：卡魯冰雪世界、teamLab、木育森林
大自然/公園：仙湖植物園、青青世界農場
博物館：深圳紅立方、兒童探索館
深圳有哪些免費的親子好去處？
深圳有好多高質素又免費嘅親子景點，非常抵玩！包括：
博物館類：深圳博物館、深圳紅立方、深圳市當代藝術與城市規劃館。（注意：通常需要喺官方微信公眾號提早預約）
公園類：蓮花山公園、深圳灣公園。
商場：好多大型商場（如深業上城）嘅公共空間設計得好靚，淨係去行下打卡都好舒服。
去深圳親子遊有什麼注意事項？
帶小朋友北上，有幾點要特別注意：
證件：確保小朋友嘅回鄉證未過期。
交通：假日過關同坐地鐵人都會比較多，要睇實小朋友。BB車喺部分舊地鐵站可能冇咁方便，要有心理準備。
飲食：盡量選擇大型連鎖餐廳或商場內嘅食肆，衛生較有保證。可以自備啲小朋友食開嘅零食同水。
支付同通訊：預先開通電子支付同準備好上網卡。
藥物：帶備一些平安藥，如退熱貼、腸胃藥、蚊怕水等以備不時之需。
推薦哪些性價比高的深圳親子酒店？
想住得舒服又唔想太貴，可以考慮：
深圳富苑皇冠假日套房酒店：位於羅湖，鄰近口岸，交通食買玩都方便。（Trip.com 預訂優惠住宿）
深圳硬石酒店：位於觀瀾湖，親子主題房好有特色，適合去觀瀾湖一帶玩嘅家庭。（Trip.com 預訂優惠住宿）
如果預算鬆動啲，想享受度假feel，可以選擇深圳蛇口希爾頓南海酒店或深圳大梅沙京基洲際度假飯店，有無敵海景同豐富親子設施。
Trip.com 查看住宿優惠
Agoda 查看住宿優惠
HopeGoo 查看住宿優惠
Booking.com 查看住宿優惠
Expedia 查看住宿優惠
Hotels.com 查看住宿優惠
KKday 查看住宿優惠
Klook 查看住宿優惠
永安旅遊 查看住宿優惠
睇完以上超過40個深圳親子好去處，相信各位爸爸媽媽已經有齊心水目的地！無論係想去主題樂園瘋狂放電，定係去文青博物館寓教於樂，呢份超詳盡攻略都幫到你。快啲參考我哋嘅行程懶人包，計劃你嘅下一個週末深圳親子快閃之旅啦！
Sally 貓小編深圳貓編 Sally，來自香港嘅90後女生，在家係貓奴，在外係社畜。放假鍾意周圍去，發掘唔同嘅地方。自從疫情通關後已北上深圳超過100次，鍾意深圳夠近夠方便、又平又好多嘢食！週末假期會去深圳行街、按摩、食嘢，整理成旅遊攻略分享。希望大家以後去深圳，都會嚟搵深圳貓，記得貓咪伴你行！
分享此文：
Share on X(在新視窗中開啟)
X
Share on Facebook(在新視窗中開啟)
請按讚：喜歡 正在載入…